தமிழகத்தின் முன்னாள் முதல்வர் கலைஞர் கருணாநிதிக்கு இன்று [ஜூன் 3] பிறந்தநாள். தமிழின் போர்வாள், திராவிடர் தலைவர், முத்தமிழறிஞர் இப்படிப் பல அடைமொழிகளால் வர்ணிக்கப்படும் கருணாநிதிக்கு இன்று பிறந்தநாள். இக்கால சூழ்நிலையில் கருணாநிதியை ஆதரிப்பவர்களும் இருக்கிறார்கள், எதிர்ப்பவர்களும் இருக்கிறார்கள்.
கடந்த ஆட்சிக் காலங்களில் பல்வேறு ஊழல்களுக்கு சொந்தக்காரர் இவர் என்று பலரும் கூறுகின்றனர். போர்க்காலத்திலும் இன்னபிற சந்தர்ப்பங்களிலும் மக்கள் முன் பல்வேறு நாடகங்களை அரங்கேற்றிய திறமைமிகு கலைஞர். உணவு மற்றும் வளிச் சீராக்கிகள் சகிதம் இவர் நடத்திய ஒரு நாள் போர்நிறுத்த நாடகம் தமிழர்களால் அவ்வளவு இலகுவில் மறக்கக் கூடியதல்ல. இன்னமும் கட்சியின் தலைமைப் பொறுப்பில் இருக்கும் இவரின் சாதனைகள் பற்றி மக்களே நன்கு அறிவர்.
அரசியலில் தன் முழுக் குடும்பத்தையும் இறக்கி நன்கு ஆதாயம் தேடிக் கொண்டார். தவிர, இவரது குடும்பம் வியாபாரத்தில் கொழிக்கும் பல்வேறு நிறுவனங்களை தன்னகத்தே கொண்டுள்ளது. சன் ரைசர்ஸ் ஹைதராபாத் ஐ.பி.எல் அணி, சன் தொலைகாட்சி குழுமம், தினகரன் நாளிதழ் உள்ளிட்ட சில நாளிதழ்கள், குங்குமம் மற்றும் குமுதம் உள்ளிட்ட வார இதழ்கள், வானொலிகள் , கலைஞர் தொலைக்காட்சி குழுமம், சன் டைரக்ட் செய்மதி தொலைக்காட்சி சேவை , ஸ்பைஸ் ஜெட் விமான சேவை , ரெட் ஜெயண்ட் மூவீஸ் , கிளவுட் நைன் மூவீஸ் மற்றும் சன் பிக்சர்ஸ் திரைப்பட தயாரிப்பு நிறுவனங்கள் என்று நீளும் பட்டியலில் வந்தவை வராதவை எத்தனை எத்தனையோ?
எது எப்படி இருந்தாலும் சக மனிதர் என்ற அடிப்படையில் பிறந்த நாள் வாழ்த்தை பதிவு செய்வதில் தவறில்லை என எண்ணுகிறேன். கருணாநிதியின் பிறந்தநாளை முன்னிட்டு விகடன் இணையத்தளம் சிறப்பு புகைப்படத் தொகுப்பை வெளியிட்டுள்ளது. அதனை இங்கே காணலாம்: கருணாநிதி 91 சிறப்பு புகைப்படத் தொகுப்பு.
வணக்கம்
ReplyDeleteகுற்றங்கள் செய்பவர்களை தண்டிப்பது இயல்பு. இருந்தாலும் இனிய பிறந்தநாள் வாழ்த்துக்கள்
-நன்றி-
-அன்புடன்-
-ரூபன்-
வணக்கம் ரூபன். எமது வலைத்தளத்துடன் இணைந்து கொண்டமைக்கு நன்றி. கருத்துக்கும் நன்றி.
Delete